بما اننا داخلين على شم النسيم
طريقه الفسيخ:
نص كيلو بوري (سمكتين يعني يكونوا كبار)
وربع كيلو ملح خشن.. لازم خشن..هتلاقية عند عطار .. يعني عامل زي الكريستالات كده..
ومعلقة كركم
الأولي تغسلي السمكة كويس.. من غير تنضيف ولا حاجة.. وتربطيها بخيط تخين وتعلقيها في حتة تنزل ميتها.ممكن تتعلق في المطبقية من تحت فكانت بتنقط في الحوض.. من الضهر لبالليل كده لحد ما تمسكيها تلاقيها ناشفة كده وجامدة.. بتحطي ملح في الحتة بتاعه الخياشيم تمليها خالص... تكبسيها يعني.. وتجيبي علبة محكمة الغلق أو كيس بلاستيك وتحطي الملح بالكركم في الأول وبعدين السمكة وبعدين الملح.. وتحطيهم خلف خلاف.. يعني رأس جنبها ديل.. لو هاتعملي في اكياس يبقى فرغي الهوا وحطي كيس جوا كيس جوا كيس على قد ما ربنا يقدرك
تنسيها خالص في رف فوق كده 10 أيام وبعدها دوقى احلى فسيخ وبالهنا والشفا
ليست هناك تعليقات:
إرسال تعليق
ياريت تعليقاتكم ياجماعة