تخزين الفاكهه
اولا المشمش:.......
بجيب المشمش واقطعه واشيل النوى.. وبعدين اغسله كويس واصفيه لمده 3ساعات.. واحطه
فى قدر اكون تاركتها على النار دقايق عشان اتأكد ان مافيها اى مياة(وفى تخزين
المشمش او الخوخ او كل انواع المربات لازم نعمل هالطريقه وايضاً نتأكد ان كل
الادوات اللى بنستعملها جافة مافيها مياه ابداً).. وبعدين احط لكل كيلو مشمش 2 كوب
سكرواتركهم على نار متوسطة لمدة ساعة مع التقليب المستمربملعقة معدن تكون جافة..ولازم كل شوية نشيل الريم(وهذا سببه
المياه اللى فى الادوات المستخدة مع الرواسب الموجودة فى السكر عشان كذا استخدمي
دايما سكر خشن مش ناعم لان كل السكر مابيكون ذرته ناعمة بيكون فيه شوائب
اكثر)وبمصفاة صغيرة جدا احط فيها ثلات ملاعق نشا وارشها على المشمش مع التقليب
المستمر والا بتتكتل.. وبعد ماتبرد شوية احطهم فى الخلاط لحد ماتبقى مثل البيورية
وبعدين اصفيها وبعدين احط المشمش فى اكياس على حسب الاستخدام... وبحط شوية منه فى
برطمان وباخد منه بالمعلقة بعد مايتجمد للأستخدام السريع.. مع كل كوب ماء ملعقة
كبيرة واقلبها لحد ماتذوب واعمل منه كوب واحد ..وهذا بيكزن طعمه احلا من قمر الدين
الجاهز وبعمل منه أيضاً المشمشية او مهلبية المشمش بعد ما اخففه بمياة بس واحط فيه
نشا...
ثانيا الخوخ:مثل المشمش نوعا ما.. بحط الخوخ بالنوا وبعدين اغسله مش مهم تصفيه..واحطه فى قدر واحط لكل كيلو خوخ 2كوب سكر+2كوب ماء واخليهم على نار متوسطة لمدة ساعة وبعدين انتظر لما يبرد شوية واقشره واقطعه أنصاف بالسكينة واشيل النوا..باخد الجزء الجامد شوية وارصه فى اى برطمان واضيف عليه شويه من العسل اللى غليته فيه وهذا بيكون كمبوت خوخ.. والباقي اضربهم فى الخلاط مع شويه من العسل واشيلهم فى اكياس حسب احتياجاتك..وباقى العسل باشيله فى اكياس صغيرة بعد ما أصفيه وبيكون لونه وردى وباعمل منه جيلى خوخ بعد ما اضيف له كوب ماء ساخن مذوب فيه 3ملاعق صغيرة جيلاتين... وبيكون لذيذ
ثالثا المانجو:المانجة باشيلها
مثل ماهي بقشرها كل أثنين فى كيس وباقشرها بمقشرة البطاطس لما باخرجها من الفريزر
على طول وانا ماسكاها بفوطة.. وساعتها اقدر اقطعها مكعبات او اعملها عصير..
رابعا الفراولة:باقطع الجزء الاخضر واحط عليها سكر واشيلها فى اكياس بالسكر بتاعها ولما اخرجا اضربها فى الخلاط واعملها عصير أو صوص فراولة فى اى وقت
خامسا الموز:لكل كيلو موز ربع كوب لبن و2 ملعق سكر واضربه فى الخلاط بيبقى عندك جرانيتا موز لذيذ ... باخد منها بالمعلقة واعمل عصير موز باللبن او بحطها على سلطة الفواكه بدل الأيس كريم وبحطها أيضاً على الكيكة بعد مانطلعها من الفرن على طول(ساخن مع بارد) بتصير روووعه..
سادسا الجوافة:باقطعها شرايح واحط عليها سكر واشيلها فى الفريرز فى اكياس حسب الحاجة...
سابعا البلح الرطب (الاسمر):باشيله فى برطمان بعد ما أشيل النوا وأقسمه نصفين.. باحطه بالطول جنب بعض وهذا بيسهل انى اخد منه من غير مايتقطم .. وعلى فكرة مش بيتجمد أبدا" .. وبعمل منه كيكة البلح فى اى وقت فى السنة...
ثامنا الرومان:بافصص الرومان واخرج الحب واحط عليه سكر واشيلة فى اكياس ... وما راح يتجمد .. وباستخدمه فى سلطة الفواكه وسلاطة الرومان وكعكة الفواكه وكزينة لكثير من الحلويات والايس كريم.. بالاضافه الى عمل العصير منه..
تاسعا العنب: باشترى العنب اللى حباته كبيرة سواء كان أحمر أو أخضر.. وباشيله فى اكياس بعد ما بأفرط العنب من العنقود واغسله.. وباخد كمية منه واخليها يومين على صينية كبيرة مفروشة بورق ابيض وعلى الورق فوطة قماش .. وبعدين اجيب قدر واحط فيه ماء مغلى وزيت لوز (لكل لتر ماء ملعقة زيت لوز صغيرة) ونضع فيها العنب بعد ان أصبح ذابلا" لمدة ثلاث دقائق وبعدين باصفى العنب وبعدين باحطه مرة ثانية على نفس الصينية وباخليها فى مكان مشمس كثير لمدة عشرة ايام وكل يوم باقلبه.. بيصير عندك زبيب بيتى .. انا باعملة لو كان العنب اللى عندى بقى ذابل او كان مش حلو كثير...
عاشرا" الليمون والبرتقال البلدى:الاثنين باعملهم بنفس الطريقة... الاول بابشر قشر الليمون اوالبرتقال بمبشرة صغيرة كثير.. ماتبشري الجزء الابيض... وباحتفظ بيهم فى علب ثلاجة صغيرة او برطمانات صغيرة لانى باعمل كميه كبيرة جدا..وبعدين باقسم الليمون والبرتقال اللى بشرت قشرتهم نصفين وباعصرهم جيداً وباحطهم فى علب مكعبات الثلج ... وباعملهم مكعبات ليمون وبرتقال.. وكل مكعب على قد كوب العصير لو قلبناه جيداً مع ماء وسكر... او كميه مكعبات فى الخلاط مع ماء وسكر.......وايضاً مكعبات الليمون باتبل بيها الدجاج والبفتيك مع باقى المكونات طبعا.. وباعمل منها كل حاجة.. الشراب الخاص بالحلويات .. وباغلى مع مكعب ليمون شوية ماء فى اى قدر المونيوم يكون لونها صار غامق...
ليست هناك تعليقات:
إرسال تعليق
ياريت تعليقاتكم ياجماعة