السلام عليكم ورحمه الله وبركاته حاسه بفتور

السلام عليكم ورحمه الله وبركاته حاسه بفتور مفيش خشوع في الصلاه مفيش حضور قلب في القرأن الدنيا وخداكي العيال وابوهم السياسه والشقاق الي حادث بين القوى السياسيه حاله مصر الحاليه والاشاعات الي ماليه البلد المصاريف ومتطلبات الحياه الفتن الي حوالينا شمال ويمين وووووووووو عايزه اقولك على شويه حاجات عشان تقدري تتخلصي من الفتور ويرجع قلبك زي الاول واحسن 1..... لو عندك فستان قديم وعايزه تجددي معقول هتلبسيه وهتزيني وهوه متوسخ مش معقووووووووول الرسول صلى الله عليه وسلم قال ان الايمان يبلى كما يبلى الثوب وجددوا ايمانكم بلا اله الا الله طبعا اول حاحه في تجديد ايمانا هيه ان احنا ننضف قلبنا طب ازاي نخلعه ونحطه في برسييييييييييييييل لالالالال مش هتخلعيه بس هتغسليه ببرسيل الذنوب عارفين هو ايه الاستغفار ثم الاستغفار لازم قلبنا ينضف باه عليه غباااار كتير اوي مخزون بقاله فتره من غير تنضيف ده حتى انتي فتوكه نضيفه بصو يا حبايبي عايزين1000 استغفار في اليووم ...هتقولي يااااااااااااااه ده كتير اوي هقولك لا مش كتير على الجنه مش كتير على نفسك بعد كل صلاه يا حبيبتي مع ختم الصلاه 200 مش هياخدو دقايق وبكده هتخلصي الالف بعد الخمس صلوات وكمان تكتري من لا اله الا الله عشان قلبك بعد ما ينضف يلمع كده وعايزاكي وانتي بتذكري متقوليش بسرعه بصي على جسمك وتاملي في خلق ربنا ونعمه عليكي وانت بتقولي لا الااااااااااه الا الله قوليها ببطئ وبصوت حلو خاشع حسيها بقلبك بعد فتره هتقولي يااااااه انا كنت حارمه نفسي من حلاوه الذكر ده الله.........الا بذكر الله تطمئن القلوب انتو عارفين ان اهل القبور اشد شئ بيندموا عليه هيه ساعه مرت دون ذكر الله يلا يا حبيبتي لسه روحك في جسمك اشتغلي بأه متخليش الدنيا تاخدك والسياسه والعيال انتهزي الفرصه العمر قليل بصي باه يا حبيبتي اول حاجه كانت الذكر تاني حاجه حطي نفسك ديما في جو ايماني يعني مفيش مانع انك كل يومين تلاته بالاضافه للذكر تسمعي درس جميل وانتي بتطبخي او على النت او قاعده لوحدك عن التوبه او الموت او الهمه العاليه او التوكل وانا اقترح ليكي الشيخ الجميل ابو عمار محمود المصري...او الشيخ الي بياثر فيكي تالت حاجه صلاه التوبه اتوضي وصلي ركعتين واعدي افتكري ذنوبك واستغفري رابع حاجه مناجاة ربنا والله تاثيرها رهيييييييب خمس دقايق وانتي على المخده اشكيله من الدنيا ومن نفسك وكلميه كانه حبيبك ولله المثل الاعلى فهو حبيب من لا حبيب له وولي من لا ولي له واخر حاجه جددي نيتك في كل حاجه تعمليها حتى في تسريح شعرك ماهو سنه عن حبيبنا صلى الله عليه وسلم وفي كل حاجه في يومك جددي نيتك وصدقيني مهما كانت الحاجه صعبه هتهون عشان ربنا انا بدات وحسيت اني مرتاااحه والمشاكل الي في حياتي الي كنت بشوفها كبيره حسيتت انها صغيره وبقيت اهدى كتير واليوم فيه بركه وبقيت انشط ببركه الطاعه والاستغفااااار اختي الدنيا ساعه فاجعليها طاعه محدش هياخد حاجه في قبره غير عمله اللهم انك كريم عفو تحب العفو فاعفوا عنا اللهم اغفر للمؤمنين والمؤمنات الاحياء منهم والاموات انك سميع عليم مجيب الدعوات واخيرا من استغفر للمؤمنين والمؤمنات كان له بكل مؤمن ومؤمنه حسنه حبيبتي متضيعيش الاجر العمر بيجري