حاول ان تجددى الاشياء القديمة المتوفرة لديكى

ايه رايكم النهارده عندى شوية افكار يارت نحاول ننفذها 
حاولى ان تجددى الاشياء القديمة المتوفرة لديكى

 يارب تنول اعجابكم وتقدره تنفذو اية حاكة منها

نادى السينما

اصدقائى وصديقاتى الاعزاء ياريت لو حد عاوز كتاب معين او فيلم معين يقولى وانا هجتهد ادورله عليه واتيحه هنا وياريت تشاركونا لو عندكم كتب او افلام عاوزين تشاركوها معانا ومع الغير او افكار او مقرحات او اى شكل من اشكال المزاولات المجدية او تطوير الموقع ياريت تقولولى لان الموقع ده يعزز بقوة قيم العمل الجماعى ونشر الوعى والعلم والمعلومات المفيدة

محمد شرارة

يوم الجمعة

يوم الجمعة ده بعتبره يوم العائلة يعنى اجازة وفرصة الواحد يقعد فيه مع مراته وعياله بعد اسبوع من اﻷنشغال عنهم كدة ونفطر مع بعض بدل ماكل واحد بياخد فطاره ويجرى على مدرسته او شغله نقعد بقى نفطر على ترابيزة واحدة وكان زمان فيه حاجة اسمها طبلية واوعى تقول ياأأاى طبلية دى بلدى ارد واقولك ايوة دى بلدى مصر دى جزء مميز لتراثنا وهويتنا الثقافية ولو انت مصر تبقى الا فرنكا يعنى على نسق الفرنجة يعنى الفرنساويين احب اقولك ان كلمة طبلية جاية من table وهى كلمة فرنساوى معناها ترابيزة وصدقنى مش مهم انت قاعد على كرسى ولا قاعد على الارض المهم انت احساسك ايه وانت قاعد حاسس بالدفا العائلى ومبسوط ولا عمال تلعن اليوم اللى اتجوزت فيه انت مصدر احساسك باﻷشياء وبالوجود، انا ليا واحد زميلى فى الشغل بيعرف يستمتع بمفردات الحياة مهما كانت بساطتها مرة لقيته فرحان سألته انت فرحان اوى يا استاذ جابر وباين عليك فالى ايوة اصلنا طابخين عدس طبعا انا هرشت فى دماغى وقلت فى سرى ايه الحلو فى كدة ده مجرد عدس لكن بدات افهم الconcept لما بدا يوصفلى لمته مع عياله وازاى بيستمتع باكل العدس مع البصل وسط عياله ساعتها عرفت انى انا اللى مش فاهم وانه فعلا اذا غرف السبب بطل العجب نرجع تانى ليوم الجمعة ياسلام بقى لو كان الفطار فول وطعمية وبطاطس محمرة وبصل وكفاية بقى طول الاسبوع جبن الى انت معجبلى بيها والى ممكن تعمل معاك شغل مش تمام يوم الخميس بالليل لانها مليانة استروجين يامعلم ده بقى لو مراتك بتصحى بدرى وتجهز اللمة مش زى مراتى اللى بتصحى بعد الساعة 12 وتكروتنا بكام ساندوتش جبنة على مربي وكل واحد على انفراد ولو صحيت لقيتها رابطة دماعها يبقى نصيحتى ليك يامعلم انسي كل اللى قولتهولك وخد ديلك فى سنانك ويافكيك على اقرب قهوة ولا روح اترزع فى النادى او اتكوم فوق السرير لابنطلونك يتبل من مية المسح لو لابسة المنديل يبقى ده يوم تنظيف او فيه ماتش غسيل فيه ستات كدة تنقى اليوم اللى الراجل قاعد فيه علشان تنضف الشقة ويرجعوا يقولولك رجالة عيونهم فارغة عاوزين يتجوزوا ليه يوم الجمعة اقعد وسط اهلك وعيالك واتكلموا حاول تنقلهم خبراتك وافكارك وتتواصل معاهم ومافيش مانع تقعد تلاعبهم جيمز على الكومبيوتر وترجع عيل تانى بلا مسؤلي وياريت لو تقدر تاخدهم وتخرجهم وياسلام لو تزور قرايبك بدل التكنولوجيا اللى فرقتنا وخلت كل واحد لازقلى سماعة بلوتوث جنب قفاه ولا قاعدلى طول الليل فى الضلمة على الكومبيوتر زى الخفاش وبلاش تناقش مشاكل البيت مع مراتك يومها وبلاش تشرب سجاير علشان صحتك وصدر مراتك والعيال ياريت نخلى يوم الجمعة يوم العائلة نقعد مع بعض نتواصل بدل مابنتقابل بالصدفة فى الصالة واحنا كل واحد منا نازل شغله او مدرسته.

لو بتحبى تجديدى من اثاث بيتك

عزيزتى حواء اليكى حبيبت قلبى بعض الاثاثات لو بتحبى تجديدى من نظام بيتك \
يارب تنول اعحابكم

معلومة مفيده

معلومة مفيده

الفراولة  

33 سُعر لكل 100 جرام. تحوي الفراولة على قدر عظيم من فيتامين سي، وهي تتفوق 

بما تحتويه من ذلك الفيتامين (56 مليجرام لكل 100 جرام) على الليمون. كما تحتوي 

الفراولة على الحديد وحامض إللاج Ellag acid الذي يقي من الإصابة بالسرطان 

ويبيض الأسنان  .... يارب تكون مفيدة لكم جميعا

كريب بحشوه الدجاج

اليوم هقدم لكم طريقة عمل الكريب يارب تعجبكم

 مقادير الكريب
كوب حليب

 نص كوب دقيق

بيضه /   رشه ملح /   ملعقه سكر /   ملعقه كبيره زبده مذابه
مقادير الحشوه
صدور دجاج مخليه العظم والجلد ومقطعه مكعبات

 فلفل رومي الون مقطعه مكعبات

 بصله مقطعه مكعبات

2 ملعقه صوص الصويا
4 ملاعق كبيره قشطه

ملعقه كبيره جبن شدر سائل

 ملح وفلفل اسود فطر مقطع شرائح
الطريقة:
تخلط مقادير الكريب جيدا حتي تصبح لديك عجينه سائله وتترك ترتاح
تشوح البصل في الزيت حتي تذبل ثم نضع الدجاج ويقلب مع رشه فلفل اسود
يضاف اليها الفلفل الالوان وصوص الصويا ويضبط الملح ويضاف اليه القشطه وملعقه الجبن والمشروم ويترك علي نار هادئه حتي ينضج
في طاوه مدهونه بالزيت يوضع مقدار ملعقتين كبيره من الخليط وتساوي حتي تحمر وتقلب علي الوجه الثاني وهكذا حتي ينتهي المقدار
تؤخذ الكريب ونضع ملعقه من الحشوه وتلف مثل الرول وتدهن الطرف بخليط الدقيق مع الماء حتي لاينفك
تغمس في البيض والبقسماط وتقلي في زيت حار وغزير حتي تصبح ذهبيه
ترص في طبق التقديم وتقدم بالعافيه