أطفالنا والكومبيوتر والانترنت

بصراحة عاوزكم تراقبوا اطفالكم كدة وتشوفوا بيعملوا ايه فى وقت فراغهم انا هتكلم عن تجربتى انا ، بصراحة اطفالى انا مابيعملوش الا حاجتين يا اما على الكومبيوتر والانترنت يا اما على الموبايل والانترنت برضه  يا اما بيضايقوا بعض طيب مش مشكلة ، انا قلت لما اشوف كدة بيعملوا ايه على الكومبيوتر والموبايل وعلى سبيل الحصر لاحظت ان كل اطفالنا بلا استثناء بيسيؤا استخدام الكومبيوتر لا ومش اطفالنا وبس ده احنا كمان كلنا بنستخدم الانترنت مثلا فى تحميل وتنزيل الاغانى والافلام والمسرحيات والكليبات والصور يا اما تشااااااااااات يا اما فيس بوك يا اما يوتيوب يا اما المزرعة السعيدة كل الاشكال دى من الاستخدام للانترنت كلها هى مضيعة للوقت بجد قولولى ، مين مننا اولاده بيستخدم الانترنت فى تعلم البرمجة ولا لعبة نافعة زى الشطرنج مثلا والا اى لعبة بتنمى مهاراة معينة زى الذاكرة ولا القراءة السريعة ولا حتى بيتعلم برنامج معين ولا بيشارك فى العمل الاجتماعى او الجماعى ولا بيعمل بيزنس على الانترنت ولا بيدور على منحة دراسية ولا مواقع تعليم اللغات ولا حتى بيستعين بالانترنت فى دراسته ولا بينزل كتاب يقرأه ولا Pdf  او بحث عن موضوع مفيد وينشره فى وسط اصحابه ، اعتقد مافيش كله وقت ضايع طاقة مستهلكة فى مزاولة غير مجدية طاقة بشرية معطلة طاقة كهربية مهدرة انترنت مهدر وصحة مهدرة لان طبع الكومبيوتر بيؤثر على صحة مستخدمه وياسلام بقى لو قاعد قاعدة مش صحيحة فقرات ظهره تتعبه ورقبته وعينيه وركبه وآلام فى كل مكان ، جنيهات وآلاف من الدولارات على الارض او بتتحول لجيوب اصحاب المواقع الدولية زى جوجل ولا فيس بوك ولا يوتيوب واحنا مش بنعمل حاجة غير اننا نتفرج.